Cefnogwch Ni

Mae MOMA a’r Tabernacl Machynlleth yn cael eu perchnogi a’u rhedeg gan ymddiriedolaeth elusennol annibynnol ac rydyn ni’n dibynnu’n helaeth ar haelioni rhoddion gan ymwelwyr, busnesau ac ymddiriedolaethau i helpu i ariannu ein gwaith.

Ar adeg pan fydd mynediad i’r celfyddydau’n bwysicach nag erioed, drwy ein cefnogi byddwch yn helpu i sicrhau y gallwn barhau i ddarparu llwyfan hanfodol lle y gall artistiaid a cherddorion arddangos eu gwaith. Byddwch hefyd yn helpu i sicrhau ein bod yn gallu cadw ein horielau’n ddi-dâl i bawb gael ymweld â nhw.