Arhoswch gyda Ni

Mae’r bwthyn 2-lofft hyfryd yma’n gyfforddus gyda digon o le ynddo ac mae’i gymeriad canoloesol wedi’i gynnal mewn ffordd gydnaws. Mae’r llety ar y llawr isaf yn cynnwys un llofft ddwbl ac un â dau wely sengl sy’n rhannu ystafell ymolchi, gydag ystafell fwyta a chegin cynllun agored i fyny’r grisiau. Mae gweithiau o Gasgliad y Tabernacl yn hongian ar waliau’r bwthyn i chi eu mwynhau yn ystod eich ymweliad.

Mae gwyliau bach yn Ysgubor Newydd yn ffordd wych i garedigion cerddoriaeth a chelfyddyd gael mwy o amser i brofi ein harddangosfeydd a chyngherddau. Dyma’r lle perffaith hefyd i grwydro’r ardal leol a’i hatyniadau eraill gan gynnwys Canolfan y Dechnoleg Amgen, Gwarchodfa Natur Ynys-las, Canolfan Gweilch Dyfi a thraethau Aberdyfi.