Steven Allan Griffiths RI: Ysbryd yr Hunan Blaenorol

Wedi’i eni yn Sir Gaerfyrddin, astudiodd Steven i ddechrau yng Ngholeg Celf Dyfed cyn ennill Gradd BA (Anrh) o Ysgol Gelf Casnewydd ac MA o Brifysgol Reading.

Mae ei waith wedi’i seilio ar chwilfrydedd sylfaenol mewn gwrthrychau difywyd, a’r ymdeimlad o ddrama y gall y ffurfiau bob dydd ymddangosol hyn eu cyfleu wrth eu darlunio mewn lleoliad penodol neu mewn perthynas â’i gilydd.

Nid cynrychioliad yn unig yw’r disgrifiad manwl o’r ffurfiau hyn, ond mae’n broses o dynnu gwybodaeth rymus ohonynt. Darlunnir y gwrthrychau trwy ddefnydd sensitif ac atmosfferig o ddyfrlliw, gan greu cyfoeth a dyfnder nad yw’n arfer cael ei gysylltu â’r cyfrwng.

Mae Steven yn aelod etholedig o Sefydliad Brenhinol y Peintwyr mewn Dyfrlliwiau, ac mae wedi bod yn ddarlithydd Celfyddyd Gain ac yn artist proffesiynol ers 1991. Mae ei waith yn cael ei arddangos ledled y byd, ac mae’n rhan o lawer o gasgliadau preifat a chyhoeddus.